19 ta' Dicembru 2003: Imniedi Quality Service Charter ieħor fl-Isptar Ġenerali t’Għawdex

L-Onor. Giovanna Debono, Ministru għal Għawdex, dalgħodu ġiet ippreżentata bil-kopja ta’ Quality Service Charter ieħor għal dipartiment fl-Isptar Ġenerali t’Għawdex. Dan iċ-charter huwa l-aħħar charter mogħti lil xi dipartiment f’Malta jew Għawdex. Issa b’kollox hemm 46 dipartiment jew taqsima li ppublikaw il-Quality Service Charter tagħhom minn meta tnediet l-inizjattiva inqas minn sitt snin ilu. Tnax (12) minn dawn huma fil-fatt f’Għawdex.

L-introduzzjoni ta’ Quality Service Charter fid-Dipartiment tad-Dħul u l-Emerġenza fl-Isptar Ġenerali ta’ Għawdex hija konferma uffiċċjali ta’ l-impenn tal-Gvern illi jkompli jtejjeb il-kwalita` ta’ servizz li jingħata minn hawnhekk. Dan bil-għan illi kull min jiġi fil-bżonn ta’ din l-unika facilita’ ta’ emerġenza f’Għawdex jieħu l-ogħla livell ta’ servizz fl-iqsar ħin possibbli.

Il-linji ta’ gwida elenkati fil-Quality Service Charter iqegħdu fuq quddiem nett id-dritt tal-pazjent li jircievi servizz tas-saħħa skond il-ħtiġijiet klinici tiegħu u li jagħti jew jiċħad il-kunsens tiegħu għal trattament mediku. Min-naħa l-oħra għandu jistenna servizz ta’ kwalita’ kemm mid-Dipartiment ta’ l-Emerġenza kif ukoll mis-sezzjoni ta’ l-Ambulanza. Id-Dipartiment qed jobbliga lilu nnifsu li jipprovdi servizzi lil kull min hu fil-bżonn, inkluż tfal, anzjani u persuni b’diżabilita’.

Id-dipartiment qed jorbot lilu nnifsu b’kunsiderazzjonijiet li jqiegħdu lill-pazjent fuq quddiem nett. Bħala klijent tad-dipartiment, il-pazjent għandu d-dritt li jkun infurmat b’servizzi li jingħataw minn hawnhekk, jiġi mgħarraf bi trattament propost għalih, jinżammu records u informazzjoni dwaru b’mod kunfidenzjali, jingħata risposti sodisfacenti għall-mistoqsijiet tiegħu u jingħata appuntamenti ta’ follow-up skond il-ħtiġijiet medici tiegħu. Ic-Charter ippubblikat illum jistipola li f’każ li l-pazjent imdaħħal fid-dipartiment ikollu każ urġenti, it-tabib tad-dipartiment jarah immedjatament. Jekk il-każ ma jkunx meqjus bħala urġenti, allura l-pazjent jista’ jistenna sa massimu ta’ nofs siegħa wara li jiġi assessjat min-nurse. F’każi ta’ emerġenza d-dipartiment jieħu ħsieb l-iktar każ urġenti u jimxi bi prattika ta’ first come first served.

F’każ li l-pazjent jeħtieġ jagħmel ilment, jista’ jikteb lis-Supretendent Mediku fl-Isptar Ġenerali t’Għawdex. L-Isptar jistieden ukoll lill-pazjenti tiegħu biex jgħaddu l-kummenti tagħhom dwar is-servizz permezz tas-suggestion box fid-dipartiment jew inkella permezz tal-Customer Care system www.servizz.gov.mt

Id-Dipartiment tad-Dħul u l-Emergenza huwa miftuħ 24 siegħa kuljum, sebat ijiem fil-gimgħa, inkluż il-btajjel pubblici. Il-pazjent jista’ jinqeda mis-servizzi offruti hawnhekk kemm jekk jiġi riferut mit-tabib kif ukoll jekk jirreferi lilu nnifsu. Minn dan id-dipartiment il-pazjent għandu d-dritt li jiġi mogħti preskrizzjoni ta’ medicina marbuta mal-każ tiegħu, kif ukoll għadd ta’ servizzi oħra. Id-dipartiment jaqdi l-funzjoni ta’ health centre bejn it-8pm u t-8am.

Is-sezzjoni ta’ l-Ambulanza toffri servizz ta’ emerġenza, trasport minn u lejn sptarijiet oħra tal-Gvern f’Malta, trasport tal-pazjent minn u lejn id-dar (certi kundizzjonijiet japplikaw), trasport ta’ pazjenti residenti fl-isptar lejn attivitajiet socjali, u trasport tal-pazjenti mid-dar lejn sptarijiet privati f’Malta jew Għawdex, il-Heliport t’Għawdex u l-Ajruport Internazzjonali ta’ Malta (certi kundizzjonijiet japplikaw). F’emerġenza medika jew f’każ ta’ incident, is-servizz ta’ l-ambulanza huwa disponibbli 24 siegħa kuljum, sebat ijiem fil-gimgħa, inkluż btajjel pubblici permezz tan-numru tat-telefon 196. Id-dipartiment tad-Dħul u l-Emerġenza jinforma lill-Ambulanza li tintbagħat fuq is-sit ta’ l-incident jew emerġenza fi żmien 4 minuti.

Fid-diskors tagħha waqt l-għoti tac-Charter dalgħodu, il-Ministru Debono saħqet fuq l-importanza ta’ servizz tas-saħħa efficjenti u li jqiegħed fuq quddiem il-ħtiġijiet medici u socjali tal-pazjent. Il-klijent qiegħed isir dejjem iktar il-punt fokali għas-Servizz Pubbliku u għalhekk inħasset il-ħtieġa li dan id-dipartiment importanti fl-Isptar Ġenerali ta’ Għawdex jorbot lilu nnifsu b’certi obbligazzjonijiet favur tal-pazjenti tiegħu. Il-Ministru rringrazzjat lill-istaff kollu ta’ l-Isptar Ġenerali t’Għawdex, b’mod partikolari tad-Dipartiment tad-Dħul u l-Emerġenza, tax-xogħol siewi li jwettqu matul is-sena. B’mod partikolari, il-Ministru għal Għawdex irringrazzjat lid-dipartiment koncernat tal-ħidma ta’ fejda li ssir sabiex sitwazzjonijiet traġici jiġu ndirizzati bl-aħjar mod possibbli. Il-Ministru Debono rreferiet ukoll għall-proġetti infrastrutturali li saru matul dawn l-aħħar snin f’dipartimenti diversi ta’ l-Isptar Ġenerali t’Għawdex fosthom ukoll id-dipartiment ta’ l-Emerġenza. Hawnhekk, din is-sezzjoni ġiet rinnovata permezz ta’ proġett ta’ tkabbir u tisbiħ permezz ta’ xogħlijiet u xiri ta’ apparat, kif ukoll il-kostruzzjoni ta’ ambulance bay ġdida, waiting area ġdida, facilitajiet aħjar għall-pazjenti kif ukoll ambulanza ġdida li żdiedet mal-fleet preżenti.

Dr Anthony Livori, Supretendent Mediku ta’ l-Isptar Ġenerali ta’ Għawdex qal illi ‘l fuq minn 12,000 ruħ jagħmlu użu mid-Dipartiment tal-Emerġenza kull sena. Huwa qal ukoll li ħaddiema f’dawn iż-żewġ dipartimenti ġeneralment ikunu l-ewwel kuntatt ta’ min ikollu bzonn is-servizz tal-isptar u huwa ghallhekk li dawn dejjem jistinkaw biex jagħtu servizz ta’ kwalita’ u personalizzat.

Preżenti għall-okkażjoni kien hemm ukoll is-Sur Anthony Mifsued li rrinġrazzja lid- dipartiment konċernat talli laqa’ l-isfida ewlenija li jipprovdi servizz ta’ kwalita’, filwaqt li awgura li iktar dipartimenti Governattivi jadottaw l-implimentazzjoni ta’ Quality Service Charters. Għall-okkażżjoni kien hemm ukoll is-Segretarju Permanenti tal-Ministeru għal Għawdex, is-Sur Frank Psaila.