Quality Service Charter tad-Dipartiment ta’ l-iSpeech Languange

Werrej

Introduzzjoni

L-Ghan Taghna

Ir-Rwol Taghna

Is-Servizzi li noffru 

Eligibilta’ u Dhul

Servizz ta’ Kwalita’

Kif tista tghinna

Nitghallmu minghandek

Dan iċ-Charter huwa gwida għad-Dipartiment ta' l-iSpeech-Language. Permezz ta' dan iċ-Charter, aħna qed nagħtu informazzjoni dwar is-servizzi li nipprovdu u l-livell ta' servizz li beħsiebna nilħqu u li għandek tistenna mingħandna.

L-għan tagħna huwa li nidentifikaw id-diffikultajiet fil-komunikazzjoni u nfasslu programmi li jiżviluppaw il-ħila fil-komunikazzjoni tal-klijenti tagħna.

Ir-rwol tagħna jinkludi kemm li noffru kura lil dawk il-persuni bi problemi fit-taħdit, kif ukoll li nedukaw il-komunita’.

Noffru evalwazzjoni tal-problema ta’ l-individwu u l-effett fuq ta’ madwaru, kif ukoll gwidi ta’ rimedju, appoġġ u informazzjoni kemm lill-klijenti tagħna kif ukoll lil min jieħu ħsiebhom. Aħna nirrakkomandaw u nippromwovu terapija varjata biex it-trattament li jingħata ikun aktar effettiv.

L-Intervent tagħna jinkludi evalwazzjoni, djanjożi, attenzjoni u prevenzjoni ta' nuqqas ta' komunikazzjoni. It-terapija tista' tingħata fuq bazi individwali jew fi grupp, u tista’ tingħata kemm b'mod dirett jew indirett (permezz ta' carers). L-attivitajiet tagħna ivarjaw skond in-natura tal-problema, il-klijent, il-grupp u l-ambjent tax-xogħol.

Il-każijiet jistgħu jinkludu:

• problemi ta' komunikazzjoni minħabba nuqqas ta' smigħ u diffikultajiet sensorjali, problemi fit-tagħlim, awtiżmu
• problemi fl-artikulazzjoni, fonoloġija u fil-grammatika
• problemi fid-diskors (e.ż. temtim)
• problemi fil-qari u fil-kitba li għandhom x’jaqsmu ma’ diffikultajiet fit-tagħlim
• dewmien fl-iżvilupp tad-diskors u fl-użu tal-lingwaġġ
• problemi fil-vuċi bħal dysphonia (ħanqa fit-tul) u konsegwenzi ta’ qtugħ tal-gerżuma
• kundizzjonijiet newroloġiċi (e.ż. ġrieħi fir-ras, puplesija u mard fit-tul)
• problemi li jkollhom kemm tfal, kif ukoll adulti, biex jieklu.

Min għandu xi diffikolta’ minn dawn li semmejna jista’ jagħmel kuntatt direttament ma’ l-eqreb klinika ta’ l-iSpeech-Language. Professjonisti oħra bħal għalliema, tobba, infermiera, social workers jew carers (bħal ġenituri) jistgħu wkoll jirreferuk għal kura fl-iSpeech-Language Unit.

Is-servizzi jingħataw minn dawn il-postijiet:

• Birkirkara Tel: 21 485376
• Cospicua Tel: 21 821727
• Furjana Tel: 21 243314
• Gzira Tel: 21 344766
• Mosta Tel: 21 411065
• Raħal Ġdid Tel: 21 691314
• Qormi Tel: 21 484450
• Rabat Tel: 21 459082

(Mit-Tnejn sal-Ġimgħa mis-7.30am sat-3.30pm)

• Birżebbuġia Tel: 21 658596
• Dingli Tel: 21 453113
• Ħamrun Tel: 21 251447
• Kirkop Tel: 21 685347
• Naxxar Tel: 21 437155
• Qrendi Tel: 21 640984
• Safi Tel: 21 647193
• San Ġwann Tel: 21373777
• Sta Luċia Tel: 21 801003
• Sta. Venera Tel: 21 223915
• Siġġiewi Tel: 21 465252
• Tarxien Tel: 21 660500
• Żebbuġ Tel: 21 460454
• Żejtun Tel: 21 676818

(Fil-ġranet tagħhom biss)

• Sptar San Luqa

Klinika ta' l-iSpeech-Language fl-E.N.T. Out-Patients Tel: 25951391

(Mit-Tnejn sal-Ġimgħa mis-7.30 am sas-2.30 pm u s-Sibt mis-7.30 am sas-1.00 pm

• Child Development Assessment Unit Tel: 25951793

(Mit-Tnejn sal-Ġimgħa mis-7.30 am – 3.30 pm)

• Sptar Ġenerali t'Għawdex Klinika ta' l-iSpeech-Language Tel: 21 562700

(Mit-Tnejn sal-Ġimgħa mis-7.30 am - 2.30 pm u s-Sibt mis-7.30 am - 1.30 pm)

• Sptar Zammit Clapp Tel: 21 344950

(Mit-Tnejn sal-Ġimgħa mis-7.30 am - 3.30 pm)

• St. Vincent de Paul Residence Tel: 21 224461

(Mit-Tnejn sal-Ġimgħa mis-7.30 am - 3.30 pm)

• Ħal Far, Wied il-Għajn, Santa Venera, l-Imtarfa u Għawdex.

• Guardian Angel, Hamrun
• San Miguel Febres, St Andrews
• Special Unit, Skola Primarja tas-Sannat
• Helen Keller School, Qrendi
• Dun Manuel Attard School, Wardija

Tista' ċċempel waħda mill-kliniċi imsemmija hawn fuq għal appuntament. Jekk ikollok xi diffikulta’, jekk jogħġbok ikkuntattja lid-Dipartiment ta’ l-iSpeech-Language fi Triq Ingiered, Luqa fuq 21 230822 sabiex inkunu nistgħu ngħinuk kif teħtieġ.

Għandek tistenna li:

• dejjem isir assessment u evalwazzjoni tal-kapaċitajiet komunikattivi tiegħek, kif ukoll tingħata għajnuna fil-każ ta’ diffikulta’ fil-mod ta’ kif tiekol u tixrob
• jitfassal programm ta' intervent skond il-bżonnijiet tiegħek
• tingħata appuntamenti għal każijiet ġodda fi żmien 15-il ġurnata tax-xogħol
• tingħata appuntamenti oħra skond il-bżonnijiet tiegħek fuq suġġeriment ta’ l-iSpeech-Language pathologist
• tattendi sezzjonijiet ta' intervent normalment idumu bejn 30-45 minuta
• ma ddumx tistenna għal iktar minn 10 minuti fuq il-ħin ta' l-appuntament tiegħek. Ċirkustanzi li ma jkollniex kontroll fuqhom jistgħu jżommuna milli nilħqu dan il-għan
• kull informazzjoni li jkollna tinżamm kunfidenzjali
• tingħata informazzjoni dettaljata tal-problema li jkollok
• tingħata risposti għal mistoqsijiet kollha li jkollok
• tiġi eżaminat/a minn speech-language pathologist reġistrat
• tkun taħt il-kura ta’ l-istess speech-language pathologist sakemm hu possibli u f’każ ta’ bdil tiġi infurmat/a minn qabel.

Inti tista' tgħinna biex noffru servizz aħjar billi:

• tkun puntwali għall-appuntament tiegħek
• tgħarraf lill-iSpeech-language pathologist jekk ma tkunx tista' tattendi għall-appuntament sabiex ikunu jistgħu isiru arranġamenti alternattivi
• ma tiġix jekk ma jkollokx appuntament
• tgħarraf lill-iSpeech-language pathologist b'xi kundizzjoni medika li tkun tinsab fiha
• tistaqsi għal spegazzjoni fejn ma tkunx fhimt
• timxi fuq il-pariri li ngħatawlek mill-iSpeech-language pathologist
• tgħarraf lill-iSpeech-language pathologist jekk tibdel ismek, l-indirizz jew numru tat-telefon.

Aħna l-ħin kollu nfittxu li ntejjbu l-kwalita’ tal-kura tagħna. Għalhekk aħna nilqgħu kull kumment u suġġeriment li jista' jkollok sabiex aħna nkunu nistgħu intejjbu s-servizz tagħna.

Is-sodisfazzjon tiegħek huwa importanti għalina. Jekk tixtieq tressaq xi lment, tista' tagħmel dan billi l-ewwel tkellem lill-iSpeech-language pathologist responsabbli għall-kura tiegħek. Jekk ma tkunx ħriġt sodisfatt, tista' ċċempel jew tikteb lill-Customer Care Unit tagħna fid-Dipartiment ta' l-iSpeech-Language f'dan l-indirizz:

Customer Care Unit

Dipartiment ta' l-iSpeech-Language

Triq l-Ingiered

Luqa LQA 05

Numru tat-Telefon: 21 230822

Numru tal-Fax: 21 233857

Email: speechlanguage@gov.mt

Web site: http://www.health.gov.mt/services/speechlang.htm

Nibagħtulek acknowledgement fil-pront u tirċievi tweġiba sħiħa fi żmien ġimgħatejn.

Kull informazzjoni f’dan il-fuljett hija korretta sakemm morna għall-istampa. Informazzjoni aġġornata tinsab fuq il-website taċ-Charter Support Unit.

L-ewwel pubblikazzjoni Lulju 1999

Frar 2003

Ippublikat miċ-Charter Support Unit, OPM

http://www.servicecharters.gov.mt

Stampar, Stamperija tal-Gvern

Fotografija, DOI