Sezzjoni tal-Manutenzjoni - Dipartiment tad-Drenagg Quality Service Charter

Kif tista' tikkuntatjana

Ħinijiet tal-ftuħ

Servizz ta' emerġenza

L-istandards tagħna

Is-servizzi li noffru

Kif tista' tgħinna

Jekk m' intix sodisfatt/a bis-servizz tagħna

Nitgħallmu mingħandek!

Min aħna

Dan iċ-charter jagħtik informazzjoni dwar is-Sezzjoni tal-Manutenzjoni fi ħdan id-Dipartiment tad-Drenaġġ li hi responsabbli mis-sistema ta' drenaġġ madwar Malta. F' din is-sezzjoni, aħna naħdmu 24 siegħa kuljum, sebat t' ijiem fil-ġimgħa matul is-sena kollha u nieħdu ħsieb ħsarat li jsiru fil-mains tad-drenaġġ. Aħna nieħdu ħsieb li nnaddfu mains tad-drenaġġ bis-sistema tal-pressure jetting bowsers u nagħmlu spezzjonijiet bil-Closed Circuit Television regolarment bil-għan li nżommu dawn il-mains f' kundizzjoni tajba. Aħna noffru wkoll servizz ta' tbattil ta' fosos fi djar fejn għad m' hemmx sistema tad-drenaġġ.

Kif tista' tikkuntatjana

L-uffiċċju prinċipali tas-sezzjoni tal-manutenzjoni jinsab il-Furjana u huwa responsabbli mid-diversi servizzi li tipprovdi din is-sezzjoni. Int tista' tikkuntattjana billi:

• tiġi personalment jew tikteb f' dan l-indirizz:

Sezzjoni tal-Manutenzjoni

Sular Numru 2, Blokk A

Dipartiment tad-Drenaġġ

Taqsima tax-Xogħolijiet

Ministeru tar-Riżorsi u l-Infrastruttura

Il-Furjana CMR 02

• ċċemplilna fuq freephone 80072302/21 221444

• tibgħatilna fax fuq: 21 223844

• tibgħatilna email fuq: info.drainage@gov.mt

• tidħol fuq il-website tagħna: www.mri.gov.mt

Malta hija maqsuma f' erba' reġjuni li huma msejħin it-Tramuntana (North), Ċentrali (Central), il-Lvant (East) u n-Nofsinhar (South). Kull uffiċċju reġjonali huwa responsabbli mill-lokalitajiet kif inhuma mniżżlin f' din il-lista. Għal konvenjenza tiegħek għandek tagħmel kuntatt ma' l-uffiċċju fejn hi mniżżla l-lokalita' tiegħek.

Reġjun tat-Tramuntana

Int tista' tikkuntattja dan l-uffiċċju billi:

• ċċempel fuq: 21 577232

• tibgħat fax fuq: 21 577232

Reġjun Ċentrali

Int tista' tikkuntattja dan l-uffiċċju billi:

• ċċempel fuq: 21 236818

• tibgħat fax fuq: 21 236818

Reġjun tal-Lvant

Int tista' tikkuntattja dan l-uffiċċju billi:

• ċċempel fuq: 21 330317

• tibgħat fax fuq: 21 330317

Reġjun tan-Nofsinhar

Int tista' tikkuntattja dan l-uffiċċju billi:

• ċċempel fuq: 21 691849

• tibgħat fax fuq: 21 691849

Ħinijiet tal-ftuħ

Aħna nkunu miftuħin mit-Tnejn sal-Ġimgħa f' dawn il-ħinijiet:

Fix-Xitwa (1 ta' Ottubru sa 15 ta' Ġunju)

7.45 a.m. - 12.30 a.m.

1.15 p.m. - 5.15 p.m.

Fis-Sajf (16 ta' Ġunju sat-30 ta' Settembru)

7.30 a.m. - 1.30 p.m.

Servizz ta' emerġenza

Id-Dipartiment għandu grupp ta' ħaddiema apposta li jirrispondu għal ħtiġijiet ta' individwi jekk jiltaqgħu ma' diffikultajiet ta' drenaġġ. Dan huwa servizz ta' emerġenza li noffru:

• wara l-ħin normali tax-xogħol

• matul il-lejl

• fil-weekends u fil-festi pubbliċi.

Dan il-grupp ta' ħaddiema ta' emerġenza jinsabu f' dan l-indirizz:

Dipartiment tad-Drenaġġ

Triq it-Tiġrija

Marsa ĦMR 17

F' każ ta' emerġenza wara l-ħinijiet ta' uffiċċju, ċempel fuq:

Tel: 21 247236

L-istandards tagħna

Kull meta tikkuntattjana, għandek tistenna li:

• nagħtuk għajnuna fil-pront u nkunu edukati miegħek f' kull ħin

• ninvestigaw kull ilment li jaslilna u ninfurmawk dwar ir-riżultat ta’ l-investigazzjoni skond iċ-ċirkostanzi li niltaqgħu magħhom u x' azzjoni ser tittieħed biex tissewwa l-ħsara.

Meta tiġi l-uffiċċju tagħna għandek tistenna li:

• naqduk fil-pront, b' edukazzjoni u b' rispett

• nilqgħuk f' ambjent nadif u komdu

• ma' ddumx tistenna iżjed minn 15 –il minuta biex tinqeda.

Meta ċċemplilna, għandek tistenna li aħna:

• nirrisponduk fil-pront u b' kortesija

• ngħidulek isimna u l-grad tagħna.

Meta tiktbilna, għandek tistenna li aħna:

• nibgħatulek nota fi żmien ġurnata minn meta nkunu rċevejna l-korrispondenza tiegħek

• nibgħatu l-ewwel tweġiba għall-ittra tiegħek fi żmien ħamest ijiem tax-xogħol

• nibgħatulek tweġiba sħiħa u finali fi żmien għaxart ijiem tax-xogħol minn meta tkun intbgħatet l-ewwel tweġiba.

Meta tibgħat email, għandek tistenna li aħna:

• nibgħatulek konferma li nkunu rċevejna l-email tiegħek immedjatament

• nibgħatu l-ewwel tweġiba fi żmien jumejn tax-xogħol minn meta tkun intbgħatet in-nota

• nibgħatu tweġiba sħiħa u finali fi żmien ħamest ijiem minn meta tkun intbgħatet l-ewwel tweġiba meta l-ilment tiegħek jeħtieġ rimedju fit-tul.

Meta nagħtuk l-informazzjoni

• aħna nagħtuk informazzjoni korretta u l-iżjed aġġornata.

Is-servizzi li noffru

Minħabba n-natura tax-xogħol li teżisti jista' jagħti l-każ li ċertu problemi ma jħallux is-sistema tad-drenaġġ taħdem sewwa, bħal difetti u ksur fis-sistema tal-mains jew ħsarat fl-impjant u l-apparat fil-pumping stations. Aħna ninvestigaw dawn il-problemi u nagħmlu x-xogħol neċessarju dak inhar stess li nirċievu l-ilment tagħkom.

Inti tista' tagħmel ilment dwar problema tad-drenaġġ u aħna nieħdu ħsieb li ninvestigaw u nirranġaw il-ħsarat. Waħda mill-prijoritatijiet tagħna hi li nirċievu l-ilmenti u niżguraw li tittieħed azzjoni immedjata. Tista' tagħmel ilment dwar:

• fawran tad-drenaġġ fit-toroq, fuq ix-xtut u fil-baħar

• tbattil ta' fosos

• tappieri difettużi jew miksurin

• irwejjaħ tad-drenaġġ.

Meta jkun hemm ħsarat fil-mains privati u fil-meded tad-drenaġġ li mid-djar jingħaqdu mall-main tal-Gvern id-Dipartiment tad-Drenaġġ mhuwiex responsabbli iżda dawn huma responsabbilita' tiegħek.

Manutenzjoni ta' mains tad-drenaġġ

Kull meta jkollna ilment fuq xi problema dwar il-mains tad-drenaġġ aħna:

• niftħu sadd fis-sistema tad-drenaġġ dak inhar stess li nirċievu l-ilment

• innaddfu s-sistemi tad-drenaġġ permezz tal-Jetting/Suction bowsers

• nibnu u nsewwu tappieri skond kif ikun hemm bżonn

• naraw li jsir tindif regolari tas-sistemi ta' drenaġġ madwar Malta.

Meta jkun hemm problema f' parti mill-main tad-drenaġġ, id-Dipartiment jieħu ħsieb biex juża camera, magħrufa bħala il-Closed Circuit Television, biex jiġu lokaliżżati l-ħsarat u jissewwew skond il-ħtieġa. B' dan il-mod jiġi evitat il-bżonn illi titħaffer medda twila tat-triq bla bżonn.

Aħna nieħdu ħsieb li:

• nagħmlu x-xogħol meħtieġ fi żmien jumejn xogħol jekk il-ħsara ma tkunx diffiċli biex tissewwa

• nagħmlu x-xogħol meħtieġ fi żmien ħamest ijiem xogħol jekk il-problema tkun aktar diffiċli.

Tbattil ta' fosos

Id-Dipartiment huwa responsabbli wkoll mit-tbattil tal-fosos. Dan ix-xoghol isir minn kuntrattur privat u s-servizz jingħata bla ħlas.

L-applikazzjonijiet jinsabu fid-Distretti tas-Sanita' u dawn iridu jitħallew hemm biex jinġabru u tittieħed l-azzjoni neċessarja.

Għandek tkun taf li l-kuntrattur huwa obbligat, skond il-ftehim tal-kuntratt, li ma jkun hemm l-ebda fawran. Il-kuntrattur mhux obligat li jagħmel numru ta' vjaġġi speċifiċi u mhux obbligat li jnaddaf jew ibattal il-fossa tiegħek minn xi ħama li tinġabar fil-qiegħ – din hija r-responsabbilita' tiegħek.

Kif tista' tgħinna

Aħna nistgħu nagħtuk servizz aħjar jekk inti tgħinna billi:

• tkun edukat/a u tikkopera ma' l-istaff tagħna

• min qed jgħaddi l-ilment jagħti l-isem, il-kunjom, l-indirizz u numru tat-telephone

• tagħti spjegazzjoni ċara u qasira dwar l-ilment tiegħek

• tagħti l-post eżatt ta' fejn qiegħed l-ilment li qed tagħmel.

Jekk m' intix sodisfatt/a bis-servizz tagħna

Hu importanti għalina li tkun sodisfatt/a bis-servizzi tagħna. Jekk inti taħseb li aħna nqasna milli nżommu ma l-istandards tas-servizzi li noffru inti tista' tagħmel ilment dwar dan. Aħna ninvestigaw l-ilmenti kollha li nirċievu għax dawn jgħinuna ntejbu s-servizzi tagħna. Inti tista' tikteb f' dan l-indirizz:

Id-Direttur

Dipartiment tad-Drenaġġ

Sular Numru 2, Blokk A

Taqsima tax-Xogħolijiet

Ministeru tar-Riżorsi u Infrastruttura

Il-Furjana CMR 02

Għandek tirċievi konferma fi żmien jumejn xogħol minn meta nkunu rċevejna l-ittra tiegħek u tibqa' tiġi nfurmat kull għaxart ijiem xogħol sakemm il-problema tkun solvuta.

Nitgħallmu mingħandek!

Minbarra li aħna marbutin li nipprovdu servizz ta' kwalita' effettiv u effiċjenti, aħna rridu nżommu lil kulħadd il-bogħod minn kull riskju għas-saħħa. Għalhekk aħna nilqgħu kull suġġeriment li nirċievu, nieħdu azzjoni immedjata u nużaw dawn is-suġġerimenti biex intejbu s-servizzi li nagħtu. Tista' tagħti s-suġġerimenti tiegħek billi timla' l-feedback form li ssib fl-uffiċċju tagħna u tħalliha fil-kaxxa tas-suġġerimenti. Napprezzaw ħafna l-kooperazzjoni tiegħek għaliex din tgħinna nagħmlu xogħolna aħjar u għas-sodisfazzjon sħiħ tiegħek.

Novembru 2002

Ippublikat miċ-Charter Support Unit, OPM

http://www.servicecharters.gov.mt

Stampar, Stamperija tal-Gvern

Fotografija, DOI